وەگورەی بەیاننامەیل ٩٧ شار لە ٩ هەرێم لە جەهان، راپۆرتەگە شارەیل لە بنەمای شیوەی خەرجکردن ئەرا زیاتر لە ١٥٠ هەزار کەس لە خاوەن سەرمایەی بەرز بەشەو کرد، وەگەرد نووڕین ئەو کەسەیلە ک زیاتر لە ١٠ مەلیۆن دۆلار دیرن.

نیویۆرک لە پلەی یەکەم هات، ک شمارەی کەسە فرە دەوڵەمەنەیل لە ساڵ ٢٠١٢ تا ٢٠٢٠ وە نزیکەی ٤٠ لەسەد زیای بوی، ک نزیکەی ٣٤٠ کەس لەناویان سامانیان لە ئاست یەک مەلیۆن دۆلار ئەوبانە، وەگەرد ٥٨ ملیاردێر.

لە راپۆرت وەرین "Henley & Partners" نشان دا ک شار هانگچو لە وڵات چین شمارەی دەوڵەمەنەیل وەماوەی دویاترین ١٠ ساڵ لە گشت جەهان زویتر زیای بویە.

تۆکیۆ لە پلەی دویەم هات، لە دەوڵەمەنترین شارەیل جەهان، ک ٢٩٠.٣ هەزار کەس خاوەن دارایی خاسە، و ٢٥٠ کەس لە ١٠٠ مەلیۆن دۆلار زیاتر دیرێد.

 وەگورەی راپۆرتەگە، دە دەوڵەمەنترین شارەیل جەهان یانە بوین:

-1- نیویۆرک (ئەميركا)

-2- تۆکیۆ (يابان)

-3- شار خەليج سان فرانسيسكۆ (ئەميركا)

 -4- لندەن (بەريتانيا)

-5- سەنگافورە (سەنگافورە)

-6- لۆس ئانجلەس (ئەميركا)

-7- هۆنگ کۆنگ (هۆنگ کۆنگ)

-8- پەكين (چین)

-9- شنگهای (چیين)

-10- سيدنی (ئوستراليا).