شەفەق نیوز/ لە ژیان وەرزشی هۊیچ چشتێگ لەوە گرنگتر نییە مەدالیا تەڵاییگ لەئۆڵۆمپیاد بۊیدەو، ئۆڵۆمپیاد تۆکیۆ ئمساڵیش دەرفەت خاسێگە ئەرا وە دەس هاوردنی.    

لە ئۆڵۆمپیاد 2020 تۆکیۆ، 339 مەدالیای تەڵا و نوقڕە و بڕۆنز وەخشینە وەرزشوانە بەرشداربۊیەێلە، ک ئەمریکا پشکی یەکەم دێرد لە وەرگردن مەدالیایەێلە، ئەوەگ لێرە جی سەرنجە ئی مەدالیاێلە لە چە دروسکریەن؟    

لە ماوەی دوو ساڵ گوزەشتە وەرپرسەێل دروسکردن مەداڵیای تۆکیۆ نزیکەی 80٫000 تەن ئامێر ئەلکترۆنی کۊینە (فڕەدریاگ) لە سەرتاپای یابان گردەو کردن، ک لەناو ئەو بڕە 6 ملیۆن مۆباێل لەناوی بۊی، ئەرا دروسکردن نزیکەی 5 هەزار مەدالیا وەکار هاوریان.    

لە رێ توانەوەی ئامێرەێلە مادەێل خام لە ناوی تەڵا و زیو و بڕۆنز دەرارن ک نزیکەی: 

32 کیلو تەڵا 

 4٫000 کیلو نوقڕە 

2٫200 کیلۆ بڕۆنز 

لە مۆباێل و تەلەفیزیۆن و ئامێرە ئەلکترۆنیەیلیگ تر دەرکردنە.    

هەر چەن ئی کارە نوو نییە، لە ئۆڵۆمپیاد ٢٠١٦ی ڕیۆ  ، 30٪ مەدایایەێلە لە پارچەیل ماشین و جامەک شکیای دروسکریانە، باواجی یە یەکەم جارە 100٪ مەدالیایەێلە لە ماددەی ریسایکڵینگ دروسکریا بوێد.