پەیامنێر ئاژانس شەفەق نیوز وت: لەناو رسوومەیل یادکردنەگە بڕیگ گورانی کۆنە ک لەناو ستودیۆیل رادیۆی بەغداد خریا کار، وەگەرد ئەو بەرنامەیلە ک ئەو مەوقە لە رادیۆی بەغداد وەزوان کوردی پەخش کریان.

ئومێد بەرزنجی وەڕیەوبەر موزەخانەی پەروەردەیی لە هەولێر ک  رسوومەیل لەناوی کریا، ئەرا پەیامنێر ئاژانس شەفەق نیوز وت: ئی رسوومەیلە وەکارخستن بڕیگ لەو گورانیەیلە وەخوەی دی ک ئەو مەوقە لە رادیۆی بەغداد وەدەنگ هونەرمەنەیلیگ پەخش کریا ک لە جەهانمان کووچ کردنە، وەگەرد نمایشکردن کتاوەیلیگ وەلایەن سەرپەرشتیارەیل بەش کوردی لە رادیۆی بەغداد نویسیانە، ک باس یادگاریان لەناویان کەن و گرنگی رادیۆگە و ئەو بەرنامەیلە ک پیشکەش کردنە.

وتیش: راديۆی بەغداد لە ساڵەیل کاری، توەنست خزمەتەیل فرە گەورەیگ ئەرا هونەر کوردی پیشکەش بکەێد، ک ئەرشیف گرنیگ ئەرا گورانیەیل کوردی دروس کرد، و مەقیەتییان لە فەوتیان کرد.

بڕیگ لە پیشکەشکەرەیل بەرنامەیل رادیۆ و هونەرکارەیل بەشداری لە رسوومەیل کردن ک وەرجە بەسیانی لە ساڵ ٢٠٠٣ لەناوی کار کردنە.

لە ساڵ ١٩٣٩، شاه فەیسەڵ رەزامەنی لەبان وازکردن بەش کوردی لەناو رادیۆی بەغداد دا، ک لە ٢٩ی کانون دویەم لە خود ساڵەگە دەسەوکار بوی، ئەوەیش لە جیوەجیکردن داوای گەورەی هووز گەردێ جەمیل ئاغا گەردێ ک ئەندام ئەنجومەن پەرلەمان ئەو سەردەمە بوی، و لە ساڵ ١٩٤٣ دویاکووچی کرد. 

.