شەفەق نیوز/ ئیدارەی گەرمیان لە هەرێم کوردستان، ئمروو چوارشەممە، دەسکردە هەڵمەتیگ ئەرا گردەوکردن هاوکاری و کومەک ئەرا زەرەرمەنەیل لافاو هەولێر وە دەسمیەتی پیاوەیل ئاینی و کەسایەتیەیل.
ئیدارەی گەرمیان لە بەیاننامەیگ وە ئاژانس شەفەق نیوز وت: "لە دۊیای هەسکردن وە وەرپرسیاری برایەیلمان لە هەولێر و دەسکرین وە پشتیوانی لە تەقەلای قەرەبووکردن زەرەرمەنەیل لافاوەگە، ئی هەڵمەتە لە شار کەلار راگەیانین".
کەمپینگکە وە سەرپەرشتی جەلال شێخ نوری سەرپەرشت ئیدارەی گەرمیان و وە دەسمیەتی شمارەی فرەیگ لە پیاوەیل ئاینی و کەسایەتی گەرمیان کریەێد.
هەڵمەتەگە بریتییە لە گردەوکردن دەسمیەتیە جوراوجورەیل لە کەلوپەل ماڵ و خوەراکە وشکە، هەرلیوا گردەوکردن پۊل و دەرمان.
هەڵمەتەگە تا 27 ئی مانگە وەردەوامە