ئەو کەسەیلە خوەیان لە بەرزی وەشانن، چوینکە «ئی جەهان نیەهەرزێد لەناوی ژیان بکەێ»، یەیش وە نووڕین ئەو ژن سویدیە لە تەمەن ٤١ ساڵە، ک باوەڕ دیرێد گشت چشتیگ وە پلانیگ جەهانی وەڕیەو چوود.
رووژنامەی دەیلی مەیل بەریتانی وت: ژنەگە باوەڕ وە شوی ٤٠ ساڵەی، و خوەشک لفانەی، و دویەتەگەی لە تەمەن هەشت ساڵان هاوردگە، ک بایەتە لەی ژیانە قورتار بوون، ک دویای پەتای کۆڕۆنا و جەنگ ئۆکرانیا، خوەیان لە قات هەفتەم بخەنە خوار، ک گشتیان خوەیان لە قات هەفتەم وەشانن و گیانیان لەدەسدان.
تەنیا کوڕیگ تەمەن ١٥ ساڵان لەی خانەوادە لەمەرگ قورتار بوی، ئەویش زەخمدار سەختیگ بویە، و کەفتە ناو بیهووشی، و هەنای هاتە هووش، هویرمانی فەوتیاگە.
ئەو پەنج کەسە لە بالکۆن شوقەگەیان لە شار کۆنترە لە سویسرا لە ٢٤ ئادار ساڵ گوزەشتە خوەیان خستنە خوار.
لێکۆڵینەوە دەرخست ک قوربانیەیل وە رەزامەنی خوەیان خوەیان وەشاننە، و هویچ هووشبەرییگ لەلەشیان نەویە، و هاوسایلش هویچ دەنگ قیژەیگ مەوقەی رویداوەگە نەژنەفتنە، و دەسەڵاتەیل مەزەنە کەن ک وەیەکەو خوەیان کوشتنە.
خانەوادەگە وەرجە دوو ساڵ لە فەرەنسا هاتگەسە سویسرا، و وەپیان دیار نەویە نیاز دیرن خوەیان بکوشن.