رووژنامەی ئیندەبندنت بەریتانی وت ئەو پیاوە وەناو ماهایش کبنایاک توەنست ئەو ژنەیلە لەبان ئەپلیکەیشن یەکناسین بخەڵەتنێد، ک توەنست بیلیدەیان بڕوا بکەن ک خوەی  پزشکە یا ئەندازیارە.

تا رەسیە وازکردن نووڕینیگ درووکانی لە شار توماکورو لە ویلایەت کارنناتاکا باشوور هندستان، و خانمیگ پەرستار هاوردە کار لەلای خوەی تا بڕوا وەپی بکریەێد،

 پولیس ئاشکرا کرد ک کبنایاک مینەی ئەو ژن و دویەتەیل خاوەن داراییە کردیاد، و زوان ئینگلیزی خاس زانێد، هەرچەن لە خوەنەواری لە پەنج سەرەتایی رەد نەکردیە.

وەگورەی میدیایل راگەیانن هندی، قوربانیەیل کبنایاک فرەیان بیوەژن بوینە، و فرە لەو ژنەیلە لە شەرمی خوەیانەو بیدەنگ بوینە، هەرچەن پویل و چشتەیل گرانیگ لەلیان بردیە.

تا رووژیگ هات و خانمە ئەندازیاریگ ئەلیکترۆنی لە تەمەن ٤٥ ساڵە سکاڵای یاسایی لەبان ئەو پیاوە توومار کرد.

ئەو خانمە وەناو هەمالاتا وت: شوی کردیەسە ئەو پیاوە، و پویل فرەیگ لەلی بردیە گوایە خوازێد نووڕینگەی پزشکی واز بکەێد، و و بایی ٨٠٠ هەزار روپیە (نزیکەی ٩٧٠٠ دۆلار) تەڵا لەلی بردیە، وەگەرد زیاتر لە ١٨ هەزار دۆلار پویل لەلی بردیە ئیجا گوما بویە.

لەبان ئەوە، دەسەڵاتەیل کەفتنە مینەی تا دەسگیری کردن، و لە لێکۆڵینەوە دەرکەفت ک باوگ ئەو کابرایشە سکاڵایگ لەبانی توومار کردیە ک ئەو کابرا هاتیە باوگ خوەی بکوشێد.