شەفەق نیوز/ دۊیەت بەریتانیگ دۊیای ئەوەگ چەن جاریگ لە دووسوندەزۊرانی شکست تیرێد و لە پیاوەیلە بیئومید بوود، بڕیار دەێد شۊی بکەێدە ئەو رەنگە ک خوەشی لەلی تیەێد، ک رەنگ پەمبەیە.    

وەگورەی  رووژنامەی دەیلی ستار بەریتانی، کیتن کی سیرا لە شەو سەرساڵ ئاهەنگ هاوسەرگیریی خوەی وەگەرد رەنگە دڵخوازەگەی لە لاس فێگاس لە ئەمریکا وە ئامادەبۊن دووس و کەسە نزیکەیلی ئەنجامدایە.    

کیتن ئەو بڕیارە وە بی هۊرەوکردن دایە، ماوی 40 ساڵە دووس ئەو رەنگە دیرێد، باس لەوەیش کردیە، دۊیای چەن جاریگ لە شکست خوەشەویستی و خەراوی  رەفتار پیاوەیل وەگەردیا ئی بڕیارە دایە، جی باسە ئاهەنگەگەی کیتین وە رەنگ پەمبەی بۊی دڵنگ و فیس و خشڵ و دیکۆر ئاهەنگەگەی گشتی پەمبەی بۊی، ئومید خوازێد ژیانی پەمبەیی بوود و دۊر بوود لە پیاوەیل.