شەفەق نیوز/ پیاویگ چینی، دۊیای کەڵەبۊن بڕ گاز فرەیگ، لەوەر نووشین بوتڵ گەپیگ لە کۆکا کۆلا وە تەنیا ١٠ خولەک، گیانی لەدەسدا وەلێ پسپۆڕەیلیگ وە شیوەیگ تر باس باوەتەگە کردن.
رووژنامەی دەیلی مەیل بەریتانی وت: پیاویگ چینی لە تەمەن ٢٢ سالان، لەوەر گەرمیەگە بوتڵیگ ١،٥ لەتری لە کۆکا کۆلا نووشێد، و دۊیای چەن ساعەتیگ زیان لە ژان سەختیگ وپەنام گەیە وەخوەی دی، تا رەسیا خەسەخانەیگ لە پەکین.
پزشکەیلە ئاشکرا کردن ل بیمارەگە زیان لە گرفتەیلیگ تەندروسی داشتگە، و دڵ کوتانی بەرز بۊیە، و جەخت خۊینی باڵا بۊیە و وەزۊی هەناسە کیشاگە.
دۊیای سۆنارەگە دەرکەفت ک ئاست فرەیگ لە سۆدا دیوار گەیەی گردگە ک رەسێدە جگری. و ئی کارە شۆک جگر وەپی هاورد لەوەر کەمی ئۆکسجین لەلی.
پزشکەیلە تەقەلای رزگارکردنی وە دەرمان وشانە خراوبۊن دگری دقن، باوجی بیخود بۊی، تا دۊیزی ١٨ ساعەت گیانی لەدەسدا.
وەگەرد ئەوەیش، پسپۆڕەیلیگ پزشکی مەزەنە کەن ک بڕ فرەیگ لە کۆکا کۆلا کەسیگ نێکوشێد.