شەفەق نیوز/ ماڵپەڕ (ئیندیپێندنت) لە خەوەریگ باس لەوە کەێد توێژینەوەیل ئی چەن ساڵە دەریخستیە، ئەو خوەنەوارەیلە کەمتر لە 30 خولەک توورە کۆمەڵاتیەگان وەکار تیەرن خەمگین و قەلەقی و بی تاقەتی و هەسکردن وە تەنیایی کەمتر لەناویان دەرکەفێد، و بوودە هووکار ئەوەگ هەمیشە هەس وە ئامادەیی و تەندروسی خاس بکەن.
توێژەرەیل لە زانکۆی (Iowa State) لەی باوەتە توێژینەویگ دوو هەفتەیی لەبان 230 خوەنەوار زانکۆ ئەنجامدانە و داوا لە نیمەیان کردنە وەکارهاوردن تووڕەیل کۆمەڵایەتی کەمەوبکەن ئەرا 30 خولەک لە رووژیگ و لە کۆتایی توێژینەوەگە رەسینەس ئەو دەرئەنجامە و لە رووژنامەیل (Technology, Mind, and Behavior) بڵاوەوکریاگە.