شەفەق نیوز/ کریستیان ئۆلیڤەر ئەکتەر ناودیار ئەڵمانی، هەنای وەرد دوو دویەتەگەی گەشتیگ تایبەت ئەنجام دەن فرۆکەگەیان لە دوورگەیگ کاریبی کەفێدە ناو دەریاوە و گیان لەدەس دەن.
وەپای خەورەگەی سکای نیوز، هووکار وەخوارکەفتن فرۆکەگە هێمانگ هاژیر لێکۆڵینەوە، چوینکە فرۆکەوانەگە دویای ماوەی کەمیگ لە بەرزەوبوین پەیوەنی وە تاوەر سەرەکی کردیە و خەوەرداریان کردیە تویش گیچەڵ هاتیە، گلەوخوەد، یەیش دویا پەیوەنی فرۆکەگە بویە.
ئەکتەرە ئەڵمانییەگە لە تەمەن ٥١ ساڵی بویە، هەمیش دوو دویەتەگەی مادیتای ١٢ ساڵ و ئانیکای ١٠ ساڵ وەرد فرۆکەوانەگە، تەرمەیلیان پەیاکریاس وە فەرمی خەوەر مردنیان پشت راس کریایە.
کریستیان ئۆلیڤەر ئەکتەر ئەڵمان لەداڵگبوی ساڵ ١٩٧٢ ئەڵمانیایە، زیاتر بە رۆڵدین لە زنجیرە تەلەفزیۆنییەگەی کۆبرا ١١ ناسریاوی، هەمیش لە سینەمای هۆڵیوود وەرد ئەکتەرەیل تۆم کروز و جۆرج کلونی کار نواندن کردیە.