رووژنامەگە وتیش: مێسی کە یاد سی و شەش ساڵەی لەداڵگبوینی کەێد، رووژ شەممە، ئاگادار راهینەر هەڵوژاردەی ئەرجەنتین، لیۆنێل سکالۆنی کرد، ک خوازێد پشوو لە نوێنەرایەتیکردن (سەماکارەیل تانگۆ) بوەێد.
سکالۆنی سڵاکردن وەرپرسەیل یەکێتی تووپان ئەرجەنتین خوازێد ئەرا جیوەجیکردن ئارەزوو مێسی، کە سەرکردایەتی وڵاتەگەی کرد لە وەدەسهاوردن جام مۆندیال ٢٠٢٢، ساڵیگیش وەرجە ئەوە ئەرا وەدەسهاوردن نازناو "کۆپا ئەمریکا".
"میرۆری" ئاشکرا کرد کە شایەت یەکیەتی ئەرجەنتین وە خواست مێسی رازی بوود، کە لە پاریس سانجێرمان فەرەنسییەو هاتە خول ئەمریکی، دویای دەستکەفتە گەورەیلی لە ماوەی دوو ساڵ گوزەشتە.
مێسی ئامادەکاری کەێد تا بچوودە میامی و لەورا داکاسیەێد، و ماوەیگ خوازێد تا وەگەرد ژیان نووی بگونجێد، و تا سەرگەرمییەگەی لە خول ئەمریکی وە جددی بگرێد.
رووژنامەگە وتیش: خواست مێسی ئەرا ئەوەگ "پشوویگ ناودەوڵەتی" داشتوود، ئامانجی ئەوەس بتوەنێد خوەی و خیزانەگەی وەگەر د شوینەیل دەورگرد میامی بگونجنن، چ لە روی پیشەیی و چ لە روی کەسییەو".
وە ئەگەر خواستەگەی مێسی هاتەدی، دی وەرد دەسکردن "کۆپا ئەمریکا" ئەرا بازی ناودەوڵەتی گلەو خوەێد، کە لە ٢٠ حوزەیران ٢٠٢٤ دەسوەپی کەێد، و لەلایەن ئەمریکا میوانداری کریەێد.
وە ئەوانەگ لە مێسی نزیکن زانن کە گرنگیدان وە خیزانەگەی کەمتر نییە لە گرنگیدان وە ژیان سەرکەفتگی لە تووپان.