شەفەق نیوز/ پیره پیاویگ 80 ساڵه، له ماوه‌ی كه‌میگ خوەی هوکارەی سڕسڕانی بان یەخ کەێد، وەگەرد ئەوەگ تۊشبۊی شێرپه‌نجه‌ی پرۆستاته له ئاست چواره‌م، باوجی بیئومید، نەۊیە وواز له تەقەڵای هووکارەبۊن ناوردگە.
رێبیكا بایتیان- نۊسه‌ر (دۊیت پیاوه پیره‌گە)، له هه‌شمار تایبه‌ت خوەی له تووڕ كۆمه‌ڵایه‌تی تویته‌ر ڤیدیۆیگ بڵاوكردیە ک باوگی له‌بان یەخ وەرانوەر راهێنه‌ره‌گەی خه‌ریك سڕسڕانیە و سه‌ما کەێد.
ڤیدیۆگە دەرچگە، پیره پیاوگه وەبی دەسمەتیدان راهێنه‌ره‌گه‌ی لەبان یەخ دەسکەێد وە سڕسڕانی، دۊیاجار له راهێنه‌ره‌گه‌ی نزیکەو بوود و وەگەرد یەک سه‌ما كه‌ن.
رێبیكا له تویته‌ر نۊسیویە: "باوگم 77 ساڵه و تۊشبۊی شێرپه‌نجه‌ی پرۆستاته له ئاست چواره‌م، وەگەرد یەیش بڕیار دایە خوەی هووکارەی سڕسڕانی بان یەخ بکەێد لەی کارەیش سه‌ركه‌فتگ بۊیە.