بوکوفسکی نووسەر و هەڵبەستەوان ئامریکایی_ئاڵمانی ئۆشێد، دە سەردەمێ زەفت و زلیمەت، دە ڕووژەیل ڕەش و نۆتەک، دە کاتژمێرەیل بێ‌دەرەتان لە ناوەێن... «ورسگی، شێتی و مەرگ» یەکمینە ئەڵوژانگە.
ورسگی وە جی هاوسەنگی و جوور یەک‌بۆن ژیان کارمەندی وە سەر قازاشتەیل و خاسیەیل دە ئدارەێ پوست هەڵوژانگە، وە قیمەت و وەلیفەت قازاشت‌بردن لە ئەدەبیات و داکاسیان و سرەویان زهن و مێژگ ئڕاێ نۆسانن تا نە بشێویەێ، نە دەسێ لە خوەێ بچوود و نە ژیانێ لە کیسێ بەێد.
هۆچ خوداێگ نێاشت بێجلە 25 دلار و گومەیلێ نقڵ.
چ مانگەیلێ ک وە یەکێ لە ئێ نقڵە هۆردەیلە بردەو سەر، دە ئتاق پێس و چەپەڵ ڕێوارخانەیل ئەرزان‌وای ئڕا ئەوسەربردن شەوەیلێ ک نەتڵ و نوغم نۆسانن بۆن.
بوکوفسکی چاوەیلێ برق دەێ هەناێ کەفێدەو هۆر ئەو ڕووژەیلە؛
چۆن هەڵوژانۆدن وە جی هەڵبەستەیل هەڵبەستەوانەیلێ ک وە مەن خوەێ حساوێان نەکرد، هەڵبەست ساز بکەێد و بنۆسنێ، چۆن بیر و باوەڕێ بۆ دە دەهەێ 30 و 40 زاێنی دە ئامریکا، هەڵبەستەوانەیل هۆچ لە مەردم، ژیان، هەژاری و دەرمەنەیی نەین.
کوومەڵگا نەناسین و چشتەیلێ ک وە ناو شێعر و هەڵبەست شوون و سەقام گرتۆن، زوان‌بازیەیل چۆزمانی ڕەنگینێ بۆن ک وە جمشتەیل پڕ لە تن‌تێژی و شەکەتی و نەداری هەرەچێ نێاشت.