شەفەق نیوز/ پولیس هندستان، پیاییگ دەسگیر کرد، کە پویل کاغەزین وەبان بازاڕکەرەیل ناو مۆڵیگ بازرگانی خستیە، و پڕتاڵ کەسایەتەیل ناو بەرنامەی تەلەفزیۆنی Money Heist پووشیە.
ئەو کابرا چگە ناو دوو مۆڵ و لەبان ماشین باوگی وسیا، و پویل خستە بان مەردمەگە و پڕتاڵیگ سوور و ماسک سیلفادۆر دالی پووشیە، کە خوەی کردیەسە شیوەی ئەو کەسەیل فێڵبازە لەناو زنجیرەیگ کە وەرجە چەن ساڵیگ سایت Netflix بڵاوی کرد.
وەگەرد ئەوەیش، هەناێ پولیس دەسگیری کرد، زانستن کە ئەو پویلە درووکانی بویە، و ئەو کارە کردیە تا شمارەی تەماشاکەرەیل لەناو ئینیستاگرام ئەرای زیایەو بوود.
ئەو کابرا وەناو ئاجای شارما، لە تەمەن ٢٨ ساڵان، چگەسە ناو دوو مۆڵ لە جایبور و راجستان لە هندستان، و دویای بڵاوبوین پارچە ڤیدیۆگە لەبان سۆشیال میدیا، پولیس دەسکردە لێکۆڵینەوە.