شەفەق نیوز/ یابان وە باوگ تەکنەلۆژیای نوو ناسیایە، گلەیگتر، بیئومید مردم نەکرد، هەنای وە تەکنەلۆژیا دەسمیەتی خەڵکەگە ئەرا نواگردن گەرمی دا.  

لە وەختیگ پلەی گەرمی لە شارەیل یابان رەسیە ٣٥ پلەی سیلیزی، خەڵک یابان پەنا وە تەکنەلۆژیای نوو بردن، ک کۆمپانیای نیشتمانی "سۆنی" ئەرا نواگردن گەرمی سەخت دروسی کرد. 

سۆنی ئامێریگ دروس کرد، خریەێدە ژیر پڕتاڵ، لەشەگە گەرمەو کەێد و لە وەخت گەرمی سەردیشی کەێد.  وەگورەی ماڵپەڕ کۆمپانیاگە، ئی ئامێرە سەردی خاسیگ دەێد، و هەس وە پلەی گەرمی کەێد، وخوەی پلەی گەرمیەگە ئاڵشت کەێد. 

هەمیش ملوانکیگ وەگەردی دروس کریاگە، تا ئامێرەگە بگرێد، و سەردەوکردنەگە خاسەو بکەێد.

وەگورەی سایت "مادەرشیب" ئەو ئامێرە باترییگ هاناوی، تا ماوەی ١٠٠ خولەک چارجی کەێد، و لە ٨ تا ٦١ ساعەت لە سەردەوکردن وەردەوام بوود.   

ئەو ئامێرە وەناو "ریون بوکیت" سەنین فرەیگ وەخوەی دی، و نرخەگەی رەسێدە ١٨٠ دۆلار.