شەفەق نیوز/ ماڵ پیرەیل لە ئەمریکا، چیرووک دڵدارییگ وەخوەی دی، ئەرا پیاییگ لە تەمەن ١٠٠ ساڵە، و ژنیگ لە تەمەن ١٠٢ ساڵە، کە وەی دیره دەزویرانی کردن.
لیتمان و فیترمان لە ماڵ پیرەیل لە ئەمریکا، وەرجە ١٠ ساڵ چەویان وەیەک کەفت، و کەفتنە دڵداری.
ئەو پیا و ژنە لە وەختیگ گوزەشتە ژن و شوی بوینە، و وەخوەیان نەزانستنە جاریگ ترەک سویر کەن.
ئەو زاوا و وەویە لە ویلایەت فیلادلفیای ئەمریکا سویر کردن، و ئیرنگە توەنن بچنە ناو کتاو گینیس ئەرا شمارەیل پەیمانەیی، جویر پیرترین ژن و شوی، وەلێ لەی وەختە شمارەگە هن دورین و جۆرج کیربیە لە بەریتانیا کە تەمەن هاوبەشیان رەسێدە ١٩٤ ساڵ و ٢٧٩ رووژ.