شەفەق نیوز/ دویای چل ویەک ساڵ لە بیسەروشۊنیی هەنای کوورپە بویە، دەسەڵاتەیل ویلایەت تەکساس، ناکاوییگ ئاشکرا کردن، ک ئەو کوورپە پەیا کریا.  

دەسەڵاتەیل تەکساس پەیاکردن ژنیگ ئەمریکی راگەیانن ک دویای چل ویەک ساڵ لە گومابوینی هەنای کوورپە بویە، دویای کوشیان باوگ وداڵگی ئەو مەوقە.  

لە ساڵ ١٩٨١، تەرم ژن و پیاویگ لەناو دارسانەیل هیوستن لە ویلایەت تەکساس پەیا کریا، وتا زیاتر لە چل ساڵ ئاشکرای ناسنامەیان نەکریا.  

گەشەکردن زانست جینی و وەشکین (DNA) هیشت لە ساڵ ٢٠٢١ ناسنامەی ئەو دوو قوربانیە (تینا وهارولد کلوز) ئاشکرا بوود، ک ژن وشۊییگ بوین لە فلۆریدا ودویەت کوورپەیگ داشتنە وەناو هۆلی.   

هۆلی، لەی رووژەیلە پەیا کریا، و لەڕی وەشکین جینی زانست ک خوەی یەهودی بویە.

باس ئەوەیش کریا ک لەو سەردەمە خریاسە دەر کلیسەیگ لە ویلایەت ئەریزۆنا، و ئیسە پۆلیس مینەی دوو ژن کەێد ک لەناو گرووپیگ ئاینی بوینە، ئەو دوو ژنە هۆلی لەلای کلیسەگە دانانە.  

لە ساڵ ١٩٨١ بنەماڵەی کلوز تەلەفۆنیگ ئەرایان هاتیە لە ژنیگ وەناو "خوەشکە سوزان". 

داڵگ و باوگ هی چینەسە ناو ئاین سوزان، وخوازینە پەیوەندی وەگەرد جەهان بووڕن، و دوو ژن وە پڕتال چەرمگ هاتنەسە شوینیان، وچینەسە دارسان، ولەورە کوشیانە.    

ئیسەیش، میمگ هۆلی باس دڵخوەشی خوەی کەێد ک هیمان برازاگەی زنیە.