شەفەق نیوز/ تەقین بوورییگ لەناو ماڵ خیزانیگلە ئەلپرتای کەنەدا، هیشت کلکوانەیگ پەیا بوود ک یە ٢٥ ساڵە گوما بویە.
هەنای روب و شانون بابی داشتن سەردان کەسوکارەیلیگ کردیان لە گەڕەک میدسین لە کەرت ئەلبرتا، نووڕستن ک یەکێ لە بووریەیلە نزەی ئاوی تیەێد.
روب وەگەرد خاوەن ماڵەگە خوازین شوین نزەی بووریەگە ئاشکرا بکەن، وەناکاوەو یەکیگ لە بووریەیلە تەقی.
ئاژانس خەوەری «یو بی ئای» لە زوان روب وت: نووڕستیمنە ناو بووریەگە، و کلکوانەیگ پەیا کردیمن و دەس بردم داوردمەی.
ئەو کلکوانەگ پەیا کریا لە تەڵای ١٠ قیرات دروس کریاگە، هن کوڕەزای خاوەن ماڵەگەس، ک وەرجە دە ساڵ لەناو ئی ماڵە بویە.
خاوەنەیل ماڵەگە کلکوانەگە ناسین ک هەر خوەیە ک کوڕەزایان دویای مارە بڕینی گومی کردگە.