ریچارد پارکینسۆن، وەڕێوەبەر جیوەجیکار کۆمپانیای ماجیلان لیندەد ک بنکەکەی ها بەریتانیا ئەرا نەخشەسازی قویلایی دەریا، راگەیان؛ پەیاکردنەگا "سەرسڕکەرە و رەنگینە".
کۆمپانیەگە ئەرا یەکەمجار مینەکردن دیجیتاڵی تەواوەتی لەبان کەشتییە گەشتیارییەگەی ترانزاتلانتیک ئەنجامداگە ک ١٢ هەزار و ٥٠٠ پا کەفتیەسە ژیر روی زەریای ئەتڵەسی، و ٤٠٠ میل لە باشوور کەنەدا دویرە.
وینەی ئەو ملوانک فیروزەیی و تەڵاییە گیریاگە ک وە دگان نەهەنگ مێگالۆدۆن رازیایە، ک جویریگە لە نەهەنگ گەپ وەرجە میژوو ک نزیکەی ٢٠ ملیۆن ساڵ وەرجە ئیسە بویەسەی.
تیمەگە نەتوەنست ئی پارچە تەڵای ناوازە درارێد، چوینکە ڕێککەفتنیگ هاناوەین بەریتانیا و ئەمریکا، ک ری نیەێد دەسکاری جیماگەیل ئەو کەشتییە بکریەێد.
وەلێ کۆمپانیای ماگێلان لیندەد دەسکردە کارکردن تەکنەلۆژیایی ک زیرەکی دەستکرد وەکار تیەرێد، ئەرا شیکردن گرتە ڤیدیۆییەیل سەرنشینەیل تایتانیک، هەناێ سوار کەشتییەگە بوین و سکانکردن و وەکارهاوردن تەکنەلۆژیای ناسین دەمچەو ئەرا کەتەلۆگکردن ئەو پڕتاڵەیلە ک لەناو کەشتیەگە لەوەریان بویە.
ئەگەر پسپۆڕەیل بتوەنن بزانن ئەو ملوانکە لە مل کی بویە، وەیجویرە توەنن دەس بکەن وە مینەکردن کەسوکار زنیی و دوو هەزار و ٢٠٠ سەرنشین کەشتی تایتانیک لە گەشتە مەرگبارەگە. کۆمپانیای نەخشەسازی قویلایی دەریا، ماگێلان لیندەد، وە هاوبەشی کۆمپانیای ئەتڵەنتیک پرۆداکشنز ئیرنگە فیلمیگ دیکۆمێنتاریی لەبان پڕۆژەگە بەرهەم کەێد.