شه‌فه‌ق نيوز/ ئه‌نور جه‌وهه‌ر وه‌زير گواستنه‌وه‌و په‌يوه‌نديه‌يل له حكومه‌ت هه‌رێم كوردستان، په‌ياميگ ئاراسته‌ى هاووڵاتيه‌يل كرد له‌باره‌ى كيشه له خزمه‌تگوزاريه‌يل ئه‌نته‌رنێت و له‌تى جه‌خت له‌وه كرد وه‌زاره‌ته‌گه له ماوه‌ى دو رووژ گوزه‌يشت تێبينى ئه‌وه كردگه هاووڵاتيه‌يل شكايه‌ت له خراوى خزمه‌تگوزاريه‌يل هێڵه‌يل ئه‌نته‌رنێت ئه‌كه‌ن و داواى ئه‌وه له‌ليان كرد ناو ئه‌و كۆمپانيايه‌يله ده‌سنيشان بكه‌ن ك كه‌مته‌رخه‌من و خزمه‌تگوزارييان كزه.
وه‌زير گواستنه‌وه‌ى له به‌ياننامه‌يگ ئه‌را شه‌فه‌ق نيوز وت: له‌وه‌ر ئاگاداربوين له كيشه‌يل و له‌وه‌ر خاتر ئه‌وه‌گ وه‌زاره‌ته‌گه خاستر بدێ له خزمه‌تگوزاريه‌يلێ داوا له هاووڵاتيه‌يل ئه‌كه‌يم له‌رێ نامه‌وه په‌يوه‌ندى بكه‌ن له‌رێ واتس ئاب و فايبه‌ره‌و له‌بان ئى شماره(009647504761663).
به‌ياننامه‌گه يه‌يش ده‌رخست ك وه‌زاره‌ته له‌وه‌ر خاتر ئاگاداربوين له خزمه‌تگوزاريه‌يل ئه‌نته‌رنێت هه‌وه‌جه وه زانياريليگ ديرێد جوور: ناو ئه‌و كۆمپانيا ك ئه‌نته‌رنێت ئه‌ياد و جوور ئاميره‌يل و شوون جوگرافى و جووره‌يل كه‌موكوڕێ و وه‌خته‌يلێ.