شه‌فه‌ق نيوز/ تاهر عه‌بدوڵڵا جيگر پاريزگار هه‌ولێر پايته‌خت هه‌رێم كوردستان، وت: وه گووره‌ى پلان سه‌ره‌كى(ماسته‌ر بلان)ئه‌را بنياتناين شاره‌گه, باڵه‌خانه‌ى پاريزگاو باڵه‌خانه‌ى وه‌ڕيه‌وبه‌رايه‌تى په‌روه‌رده له‌ناوڕاس شاره‌گه رمنريه‌ێد و ئه‌كريه‌ێده باخه‌چه‌يگ وه‌رزاز گشتى.
عه‌بدوڵڵا يه‌يش ده‌رخست ك چه‌وه‌ڕێ ته‌رخانكردن دارايى ته‌واويگ ئه‌كه‌ن ئه‌را بنياتناين باڵه‌خانه‌ى تازه‌يگ پاريزگاى هه‌ولێر له‌وه‌ر خاتر جيوازكردن پاريزگا ئه‌را شوونه تازه‌گه‌و باس له‌وه‌يش كرد ئى پرووژه وه بوونه‌ى نه‌وين دارايى ته‌واويگ له حاڵ حازر وسياگه.
جى باسه، عه‌بدوڵڵا هه‌ميش وت: دوياى كوتاييهاوردن وه وه‌جيهيشتن باڵه‌خانه‌گه هه‌ر يه‌ك له باڵه‌خانه‌يل وه‌زاره‌ت ته‌ندروستى و وه‌ڕيه‌وبه‌رايه‌تى گشتى په‌روه‌رده رمنريه‌ێد ك دريژيه‌گه‌ى نزيكه‌ى يه‌ك كيلۆمه‌تره‌و ئاڵشت ئه‌كريه‌ێد ئه‌را پارك باخچه‌يگ وه‌رزاو گشتى ك يه‌يش جوانى فريه‌يگ ئه‌وه‌خشێده شاره‌گه.