شه‌فه‌ق نيوز/ يه‌كێتى نيشتمانى كوردستان وه‌شيوه‌يگ فه‌رمى سه‌باره‌ت وه ره‌خنه‌يل يه‌كيگ له سه‌ركرده‌يلى له مه‌سعود بارزانى سه‌رۆك پارت ديموكرات كوردستان وت: ئه‌و لێدوانه‌يله گوزارش له هه‌ڵوێست و سياسه‌ت يه‌كێتى نيشتمانى كوردستان ناكاو گوزارش له ئه‌ڕاى چوين خوه‌ێ ئه‌كا.
له‌ى باوه‌ته‌و قسه‌كه‌ر فه‌رمى وه‌ناو يه‌كێتى نيشتمانى له به‌ياننامه‌يگ، وت: ئاشكراى ئه‌را گشتلايگ ئه‌كه‌يم ك لێدوانه‌يل مه‌حمود سه‌نگاوى ك بڵاو كرياگه گوزارش له هه‌ڵوێست و سياسه‌ت يه‌كێتى نيشتمانى كوردستان ناكا.
قسه‌كه‌ر يه‌كێتى له به‌ياننامه‌گه وت: ئيمه بيجگه ئه‌و ريزز فريه تايبه‌ته ك ئه‌را كاك مه‌سعود بارزانى ديرێمنه‌ى، په‌يوه‌ندييگ دوسانه‌ى مێژوويى وه‌يه‌كه‌و گردمانه‌و ئه‌كا. ئيشه‌يش وه په‌رووشه‌و وه‌يه‌كه‌و گام ئه‌را پته‌وكردن ئه‌و په‌يوه‌نديه ئه‌نه‌يم و هه‌ر دويه‌كه‌يش له وه‌خت دانيشتن شاند دانيشتنكار هه‌ردوگلامان، جه‌خت له‌بان خواست فه‌راهه‌مكردن كه‌شيگ ئارام و دوسانه كريا، تا بتويه‌نيم وه‌يه‌كه‌و وه يه‌كگرتگى روێ وه‌ڕوێ مه‌ترسيه‌يل بويمنه‌وه‌و هه‌ڵه‌په‌ڵه بكه‌يم له ته‌واوكردن پرووسەی پێكهاوردن كابینەی نۆیەم حكومەت هەرێمی كوردستان، لە چوارچێوەی رێكەوتنەيل ناونيمان.
جى باسه، يه‌كيگ له ماڵپه‌ڕه‌يل نزيك له باڵ يه‌كێتى نيشتمانى لێدوانه‌يل مه‌حمود سه‌نگاوى سه‌ركرده له يه‌كێتى بڵاو كردوێد و له‌تى روێ ره‌خنه‌يلى له مه‌سعود بارزانى سه‌رۆك پارت ديموكرات كوردستان كردوێد.