شەفەق نیوز/ وڵاتەیل یەکگرتگ ئەرا عراق (یونامی) ، ئمڕوو یەکشەممە، وە تونی شەرمەزار پەلامارە موشەکیەیل "قێزەوەنەگە" کەن ک ئمڕوو شەوەکی شەفەق هەرێم کوردستان کردە ئامانج.

لە بەیاننامیگ ک ئمڕوو بڵاویکردیە وت: عراقیەیل  داوا لەلیان کریەێد  وە يەک هه‌ڵوێست رۊیوەرۊ هه‌ر كاریگەو بۊن ،ک بوودە  هووکار شیویان سه‌روه‌رى عراق/ و يه‌كييه‌تى خاکەگەی/ یا بخوازێد   سه‌قامگيرى و يه‌كڕزى بشێونێد.  وتیش، بایەت لێپیچینەوە وەگەرد ئەنجامدەرەیل ئی کارە ترسنۆکانەیە بکریەێد. 

وەڕێەوبەرایەتی دژە تیرۆر لە هەرێم کوردستان راگەیان، لە ساعاتەیل سەرەتای ئمڕوو شەوەکی، شار هەولێر رۊیوەرۊ گورزیگ بۊی لە ری 12 موشەک بالیستی ک لە دەێشت سنوور عراق وەشیایە لە سنوور خوەرهەڵات. 

وەڕێەوبەرایەتیەگە لە بەیاننامیگ رەسیە ئەژانس شەفەق نیوز باسکرد، پەلامارەگە ناوچەی قۆنسۆڵخانی ئەمریکی کردیەسە ئامانج هۊچ زەرەردیگ گیانی نەویە. 

لە دۊای نیمەشەو شەممە، شمارەیگ موشەک نادیاریگ ناوچەی قۆنسۆلخانەی ئەمریکی لە هەولێر کردنە ئامانج، و بڕیگ لە بینای کەناڵ ئاسمانی k24 لەبان رێ مەسیف سەلاحەدین کردە ئامانج.

وەگورەی تەندروسی کوردستان، هۊچ زەرەردیگ گیانی لەلی نەکەفتیە.