وەریەوبەرایەتیەگە لە بەیاننامەیگ رەسیە ئاژانس شەفەق نیوز وت: شەوەکی ئمڕوو، ئاگادار هیزەیلمان کریا وە تاوانیگ کوشتن لە گەڕەک راپەڕین نزیک مەیدان فرووشتن ئاژەڵ، دویای ئەوە دەرکەفت ک تەرم هاووڵاتییگ وەناو (ق. م . م) پەیا کریا، خەڵک قەزای قەڵادزێ گەڕەک ئیمام قاسم، ک ئەندامە لە هیزەیل پیشمەرگە لیوای هەفت، وتيش:  تەرمەگە لەبان شۆفەڵیگ بوی ک قوربانیەگە خاوەنیە.

وەگورەی زانیاریەیل سەرتایی، ئەو هاووڵاتییە خوازیە بچووکە کار، و لەبان ریەگە وە چەک کلاشینکۆف تەقە لەلی کریاگە، و لەورا کوشیاگە، و شوین گولە لەقەی شۆفەڵەگە و لەش قوربانیەگە بوی.