شەفەق نیوز/ ئیدارەی فڕۆکەخانەی ناودەوڵەتی سلێمانی، ئمڕوو دووشەممە، کاروانەیل ئاسمانیی لەوەر خراوی کەشوهەوا و خوەڵوتوزەگە وسان، ک ئاست نووڕستن فرە کەمەو کرد. 

ئیدارەی فڕۆکەخانەگە لە بەیاننامیگ رەسیە ئاژانس شەفەق نیوز وت: کاروانەیلی وە شیوەی وەختانە خستە دویا، لەوەر خراوی کەشوهەوا و کەمەوبوین ئاست نووڕستن.  

وتیش: ئەوەسا دویای خاسەوبوین کەشوهەوا، جویلەی فڕۆکەیل هاتگ ودەرچگ  گلەو خوەن.  هەرلیوا، ئیدارەی گەرمیان، ئمڕوو دووشەممە، پشوو فەرمی راگەیان،  ئەوەیش لەوەر مەترسیەیل خوەڵوتوزە خەسەگە، ولەساعەت ١١:٣٠ شەوەکی فەرمانبەرەیلی ئەرا ماڵ کلکرد. 

ئیدارەی گەرمیان لە بەیاننامیگ دیاری کرد ک ئەو خوەڵوتوزە ک ئمڕوو دووشەممە ٢٣ ئایار ٢٠٢٢ دالە گەرمیان،  بویە هووکار نەمان نووڕستن، ئەراوە وئەرا مقەیەتیکردن تەندروسی فەرمانبەرەیل وهاووڵاتییەیل لە گەرمیان، بڕیار دریا لە ساعەت ١١:٣٠ شەوەکی کۆتایی وە دەوام فەدمی باێد. 

بەیاننامەگس داوا لە هاووڵاتییەیل گەرمیان کرد لەماڵ دەرنەچن تا خوەڵوتوزەگە تەواو بوود، وەخاتر مقەیەتیکردن تەندروسییان.