شەفەق نیوز/ خەڵک شار عەنکاوە لە پارێزگای هەولێر پایتەخت هەرێم کوردستان، ئامادەی خوەیان ئەرا پێشوازیکردن لە یەکەم سەردان پاپای ڤاتیکان ئەرا هەرێم کەن.

پاپا فڕانسیس، سەردان عەنکاوە کەێد، ک گەوراترین شار خاوەن زۆرینەی مەسیحیە لە عراق و خوەرهەڵات ناوڕاس، ک ئمڕوو نزیکەی ٦٥ هەزار هاووڵاتی هاناوی، ٩٠٪ لەلیان لە مەسیحیەکانە.

ئانو جەوهەر عەبدوکا، وەزیر گواستنەوە لە حکومەت هەرێم کوردستان، ئەرا ئاژانس شەفەق نیوز ئووشێد: ئامادەکاریەکان تەواو بوینە، تەنیا دویاترین کارەیلی مەننە.

عەبدوکا ک خوەی وەرپرس شەپۆل شاملا ئەرا باوەتەیل مەسیحیەکانە، هەمیش ئووشێد: ئیمە ئامادەیمن ئەرا پێشوازیکردن لەی کار گەورا ک ئەوەسا لە هەفت ئی ئادارە بوود.

عەبدوکا ک خوەی ئەندام دەسەی ئامادەکاریە ئەرا پێشوازیکردن لە پاپا لە هەرێم کوردستان، وتیش؛ بڕیارە پاپا وە ئامادەبوین نزیکەی پەنج هەزار کەس لە یاریگای فرانسوا حەریری لە هەولێر قوداسیگ بخوەنێد.