شەفەق نیوز/ دەسەی کەشناسی هەرێم کوردستان، ئمڕوو یەکشەممە، مەزەنە کرد لەی رووژەیل بانانە لە چەن ناوچەیگ واران بوارێد.
دەسەگە لە بەیاننامەیگ رەسیە ئاژانس شەفەق نیوز وت: مەزەنە کریاگ شەپوولیگ واران سووک و ناوڕاس لە رووژ سێشەممەی ئایندە لە گشت هەرێم کوردستان دەسوەپی بکەێد.
وتیش: وارانەگە ناوچە کوێەیلە گرێدەو، و هاتێ لە تک کوێەیلە وەفر بوارێد، وتیش: ئی شەپوولە تا رووژ پەنجشەممەی ئایندە وەردەوام بوود.