شەفەق نیوز/ وەچەودیریکردن نێچیروان بارزانی سەرۆک هەرێم کوردستان، ئمڕوو پەنجشەممە، دەسکریا گردەوبوین هیز وحزبەیل کوردستانی، ک یە دویەم گردەوبوینە لەیجویرە وە ئامادەبوین نوینەر سکرتێر گشتی نەتەوە یەكگرتگەیل لە عراق جینین پلاسخارت.
ئەو گردەوبوینە ک سەرۆک نێچیروان بارزانی چەودیری وەسەرپەرشتیی کەێد، وەئامادەبوین رز یەکەم لە حزب و هیزەیل کوردستانی لە هەرێم کوردستان وەڕیەو چگ.
وەگورەی زانیارییەیل، ئەوەسا باس رەوشەیل ناوخۆیی هەرێم کوردستان و عراق لەناو گردەوبوینەگە کریەێد.
لەناو گردەوبوینەگە هەمیش باس هەڵوژاردن پەرلەمان کریەێد ک تەگبیرە لە مانگ تەشرین یەکەم ئایندە لە هەرێم کوردستان ئەنجام بیریەێد، وهەمیش باس ئەو گورزە کریەێد ک دویەکە پەلامار هەولێر دا.
هەمیش ئەوەسا باس پەیوەندیەیل هەرێم کوردستان وەرد حکومەت فیدراڵی، و ناکۆکیەیل وباوەتەیل گیرهاتگ ناوبەین هەولێر و بەغدا وەگەرد دروسکردن حکومەت فیدراڵی هاتگ کریەێد.
گردەوبوینەگە وەئامادەبوین سەرۆک فڕاکسیۆنەیل لە پەرلەمان وەڕیەو چوود، بیجگە فڕاکسیۆن نەوەی نوێ.