سەرچەوەگە ئەرا ئاژانس شەفەق نیوز وت: کەنجیگ کیانی لەدەس دا و براگەی زەخمدار سەختیگ بوی ک شایەت دەرباز لەلی نەوود، ئەوەیش لە رووداویگ هاتووچو لە لا چەپینەی شار مووسڵ، و دیاری کرد ک رووداوەگە لە ساعەت پەنج شەفەق بوی، و کەسیگ ووردەکاریەیلی نێزانێد و نێزانێد کی خەتابارە، و دوو براگە لەناو ماشینەگە گیر هاتن تا ئەوەنە وەرگری مەدەنی رەسی، و ئامێرە قورسەگان وەکار هاوردن تا لەناو ماشینەگە دەریان بکەن.

لەلای خوەییش وەڕێۆبەرایەتی هاتووچو ناوچەی گەرمیان لە هەرێم کوردستان وت: ماشینیگ لە مارکەی کەیا، هەنای روی وەرەو سلێمانی کرد، لە نزیک ئاوای «ملی بەردە سور», شەوەکی ئمڕوو، لەدەس رانندەگەی دەرچگ و داگە پایەی کارەبایگ، ک بویە هووکار کوشتن رانندەگە و زەخمداربوین سواریگ وەگەردی، و زەخمدارەگە ئەرا خەسەخانەی «شەهید هەژار» بریا، و لێکۆڵینەوەیگ وە رووداوەگە واز کریا.

لەلای خوەییش، موقەدەم فازڵ حاجی قسەکەر وەناو پۆلیس هاتووچو پارێزگای هەولێر لە بەیاننامەیگ لەبان ماڵپەڕەگەی خوەی لە فەیسبووک نووسان: لە ساعەت هەیشت شەوەکی، لەبان ری کۆرنیش، رووداویگ لەیەکدان لەناوبەین دوو ماشین بوی، یەکیگیان مارکەی نیسان تایبەت، و ئەواکە تەکسی بوی.

وتیش: رووداوەگە بویە هووکار زەخمداربوین سێ کەس وەگەرد زەرەدەیل دارایی گەورایگ.