بەکر، کە ئیسە لە ئوسترالیا ژیەێد، ئەرا ئاژانس شەفەق نیوز وت: دویای ڕزگاربوینی، پێشنیار ئەرا خانمە نویسەر ئێزیدی شیلان خدیدە کردگە کە ئەویش لە ئوسترالیا نیشتەجییە، کتاویگ بنویسێد کە باس لە ژیان خوەی و ئەو ئازارەیلە کەێد کە لە ژیر چنگ دەسوەسەرکدن چەکداەیل داعش، و ڕێککەفتن لەبان نویسین کتاوەگە وە ناو “ ئەو ژنەگ لە دۆزەخ داعش قورتار بوی”، وتیش: “کتاوەگە لە کتاوخانەیل دابەشکریا و خواست فرەیگ لە شارە جیاجیایل ئوسترالیا وەدەس هاورد.”
لە درویژەی قسەیلی وتیش: "لە پرۆسەی ئەڵگەردان کتاوەگەم ئەرا چەن زوانبگ جیاواز و دابەشکردنی لە وڵاتەیل جویراجویر تا جیهان لەو نادادپەروەرییە کە وەسەر ژنەیل ئێزیدی و ئێزیدییەیل وە گشتی هاتیە ئاگادار بکەمەو". و بڕەسێدە ئاست کۆمەڵگەی ناودەوڵەتی ئەرا گرنگیدان وە پرس ئێزیدییەیل، وەتایبەتی ئەو ژنەیل ئێزیدیە کە لە وەخت رفیان لەلایەن ریخریایەگە زیان کەفتە بانیان”.
جی باسە کە هیام بەکر، تەمەن 26 ساڵ خەڵک شەنگال، لە ساڵ 2014 لە وەخت داگیرکردی ناوچەیلیان لەلایەن داعشەو وەگەرد سێ مناڵەگەی رفیا، لە ساڵ 2015 وە هاوکاری فەرمانگەی کاروبار رفیاگەیل لە هەرێم کوردستان ئازادکریا و ئیرنگە لە ئوسترالیا داکاسیاس.
ئی کتاوە شایەتیگ زنیە لەبان تاوانە قیزەونەیل داعش، و رووشنایی خەێدە بان ئەو هاز و ئازایەتیە کە ژنەیل ئێزیدی لە وەرانەور نادادپەروەری و ئازارەیل نیشانی دانر چیرووک هیام بەکر تەنیا بەڵگەنامەیگ نییە ئەرا رەویداوەیل، بەڵکم بانگەوازیگە بۆ جیهان کە لە شان قوربانییەیل بوسیەن و کار ئەرا وەدەسهاوردن دادپەروەری بکەن.