شەفەق نیوز/ چەن چێشتخانەیلیگ لە هەولێر پایتەخت هەرێم کوردستان، شەوەکی ئمڕوو جمعە، کفتنە وەر رزیگ لە گولەواران، لەوەر مرافەیگ لەناونی چەن کەسیگ تووڕە بوینە چوونکە خواردنەگە نەمەنیە.
وەچەودیەیلیگ ئەرا ئاژانس شەفەق نیوز وتن: شەوەکی ئمڕوو، سێ کەس روی کردنە چێشتخانەی «سامال» لە نزیک قەڵای ئاسەواری هەولێر، ک ئەو چێشتخانە تایبەتە وە کەلەپاچە، بەڵکم کارمەنەگان وەپیان وەتن: کەلەپاچە نەمەن.
وەچەودیەگان هەمیش وتن: ئەو کەسەیلە تووڕە بوین، و کارەگە بویە مرافەی قسەکردن وەگەرد خاوەن چێشتخانەگە، ئیجا وەزوی رەسیە وەکارهاوردن چەک ، و سێ کەسەگە تەقە وەرەو روی چێستخانەگە و دوو چێشتخانەی تر و چایخانەیگ لە شانی کردن.
وەچەودیەگان وتنیش؛ خوەشبەختانە ک ئەو مەوقە کڕیار لەناو چێشتخانەگە نەوی، وەنە بویە کوشتار گەورایگ.
لەلای خوەییش، پەیامنێر ئاژانس شەفەق نیوز وت: خاوەنەیل دوکانەگان روی کردنە ناوەند پۆلیس و سکاڵا وە دژ پەلاماردەرەگان تۆمار کردن، و تەنیا زەرەدەیلیگ دارایی بویەو.