وەزارەتەگە لە بەیاننامەیگ راگەیان، مەراسیم رادەسکردنەگە وە ئامادەبوین خانم یەکەم شاناز ئیبراهیم و سەرۆک لیژنەی تەندروسی و ژینگە ئەندام پەرلەمان ماجد شەنگالی و شمارەیگ لە کەسایەتی و وەرپرسەیل لە سەرۆکایەتی فیدراڵی، و دەزگای شەهیدان و وەزارەت تەندروسیو هەریم کوردستان و کەسوکاریان وەڕیوەچی.
وەزیر لە بەیانیگ راگەیان، "فەرمانگەی پزیشک دادوەری وشکنینەیل دی ئێن ئەی ئەرا نزیکەی 172 روفات لە شەهیدەیل ئەنفال کریایگ تەواوکرد کە لە قەوریگ وە کۆمەڵ لە نووچەی شێخیە لە بیاوان سەماوە لە پارێزگای موسەنا پەیاکریاوێن فرەیگیان مناڵ شیرەخوەر و ژنن".
ئاشکەرایکرد "روفاتەیل رادەس لێژنەیگ لە هەرێم کوردستان و کەسوکار شەهیدەیل کریا ئەرا تەواوکردن مەراسیم لە خاک ناینیان لە کوردستان، لەدویای ئەوەگ دویەم گام لە رێکارەیل وشکنین لێکچویەیل ئەرا کەسوکار شەهیدەیل کرێد وەلایەن وەزارەت تەندروسی".