شەفەق نیوز/ یانەی   Bond Brothers (برا پشتەیل) ئەرا ماتوورسواری، ئمڕوو یەکشەممە،  گردەوبۊنیگ لەشار هەولێر پایتەخت هەرێم کوردستان ئەنجام دا. 

یونس عماد فەیلی سەرۆک یانەگە ئەرا ئاژانس شەفەق نیوز وت: ئی گردەوبۊنە یەکەمە لە شیوەی لە هەولێر،  و ئەرا نووڕستن وە گەشەی ئاوەدانی لە پایتەخت هەرێم کوردستان هات.  

وتیش: ئەندامەیل یانەگە سەردان قەور سەرکردەی کورد دامەزرێنەر پارتی دیموکراتی کوردستان مەڵا مستەفا بارزانی نەمر کرد، و هەمیش سەردان قەور رەحمەتی ئیدریس بارزانی،  و دیاری کرد ک ئی گردەوبۊنە ساڵانەس.    

جی باس ک یانەی Bond Brothers ئەرا ماتوورسواری،  لقیگ لە شار هەولێر پایتەخت هەرێم کوردستان لە ١١/١٢/٢٠٢٠ واز کرد. 

سەرۆک یانەگە یونس عماد فەیلی ئەرا ئاژانس شەفەق نیوز وت: وە وازکردن لق هەولێر، یانەگە بۊە خاوەن ١٠ لق لە ئاست عراق و جەهان.  وتیش: یانەگە ئەوەسا هەر لەبان رینمای برایی لە مەکتەو کۆنەی ماتوورسوارەیل مینێد، و ئەوەسا کارمان مرۆیی مینێد و کەفێدە خزمەت کۆمەڵگا، و نشاندان وینەی خاسیگ لە ماتوورسوارەیل. 

یانەگە لە ساڵ ٢٠١٩ دامەزریا، لەلایەن بڕیگ لە گەنجەیل عراق فێرخوازی سەنین ماتوورسکڵ و رانینی گردیان کەێد.  

  Bond Brothers  خوەی ناسێند جۊر یانەیگ ئەرا ماتوورسواری کلاسیک، ک خوەیان بڕیگ ئەندامن پەیوەندی برایی گردیان کەێد، و گرنگی دەنە وەرزش ماتوورسواری.