شەفەق نیوز/ فەرمانگەی ئاسەواری عەقرە لە پارێزگای دهۆک، ئمڕوو سێشەممە، راگەیان دەسکردن وەیەکەم گام ئەرا خاسەوکردن قەڵای ئاسەواری "ئاکرێ"، دۊای تەرخانکردن پۊل ئی پڕۆژە لەلایەن حکومەت هەرێم کوردستان.  

هیوا شەماڵ وەڕیەوبەر فەرمانگەگە ئەرا ئاژانس شەفەق نیوز وت: حکومەت هەرێم کوردستان ١٦٦ ملیۆن دینار ئەرا خاسەوکردن قەڵای ئاسەواری تەرخان کرد، دۊای ئەوە ک بڕیار بۊ لە ساڵ ٢٠١٣ خاسی بکریەێد، باوجی قەیران دارایی ئەو مەوقە ری وە جیوەجیکردن ئەوە نەیا.  

شەماڵ وتیش: ئەو پۊلە ک تەخان کریاگە بەش تەواوکردن خاسەوکردنەگە وەشیوەی تەواوی نێکەێد تا ئەرا شیوەی جارانیی باێدەو.  

وتیش: قەڵاگە ئەگەر خاسەوکردن لەناوی تەواو بوود، ئاماد ئەرا پێشوازیکردن لە میوان و گەشتیارەیل بوود، دۊای وازکردن دوو موزەخانە لەناوی، یەکیگیان ئاسەواری و ئەوەکە کەلتووری، پارچەیلیگ ئاسەواری و چشتەیل کەلتووری لە عەقرە لەناویان هەس.  

جی باسە  قەڵای ئاسەواری "ئاکرێ" لەناوبەین ساڵەیل ١٨٥٨ و ١٨٥٩ زایینی لەبان ١٤٠٠ مەتر چوارگووشە بینا کریاگە، و ٣٠ ژوور هاناوی.