شەفەق نیوز/ وەزارەت شەهید و ئەنفالکریایل لە هەرێم کوردستان، ئمڕوو سێشەممە، دیاریکردنیگ لە باوەت گلەوداین ١٧١ ئەنفالکریای ئەرا هەرێم دەرکرد. 

وەزارەتەگە لە بەیاننامیگ رەسیە ئاژانس شەفەق نیوز وت: وە هەماهەنگی وەرد دامەزراو شەهیدەیل فیدراڵی توەنستینن کۆمەڵە قەورسانیگ هن ساڵ ٢٠١٩ لە ناوچەی شێخیە لە بیاوان سەماوە پەیا بکەیمن، روفات ١٧١ کەس هاناوی، ک لە هەڵمەتەیل ئەنفال کوشیانە. 

وتیش: تەقەلای گلەوداین روفاتیان ئەرا هەرێم کوردستان دایە، تا وە رسوومەیلیگ وەخاک بنریەن شایستەی خوەیان بوود، باوجی ریکارەیل لەوەر دەرکەفتن پەتای کۆڕۆنا کەفتنە دیر.  

وتیش: دویای خاسەوبوین هەڵوێست پەتاگە، دووارە وە هەماهەنگی لایەنەیل پەیوەندیدار لە حکومەت فیدراڵ تەقەلای گلەوداین روفاتەیل دایمن، باوجی چەن پەرلەمانتاریگ کورد ناڕەزایی لە گلەوداین روفات شەهیدەیل کردن، و وەداخەو ک بوینە هووکار ریگردن لەو کارە ک حکومەت هەرێم کوردستان ئەرای پلان دانا.  

وەزارەتەگە دووپات لە وەردەوامی تەقەلایل حکومەت کرد ئەرا گلەوداین ئی ١٧١ شەهیدە ئەرا هەرێم کوردستان، تا وە رسوومەیلیگ بنریەنە خاک ک شایستەیان بوود.