شەفەق نیوز/ پەرلەمانتار حسێن عەلی مەردان، ئمڕوو پەنجشەممە، داوا لە وەزیر خوەنەواری باڵا و توێژینەوەی زانستی کرد کوردەیل فەیلی مەوقەی پیشکەشکردن ئەرا زانکۆ وکۆلێژەیل تایبەت و حوکمی وە دوو پلە بوەخشێد، و وەزیرەگەیش وت: بنووڕیەێدە داواگە.

حسێن عەلی مەردان لە بەڵگەنامەیگ کەفتە دەس ئاژانس شەفەق نیوز، ئەرا وەزیر خوەنەواری باڵا و توێژینەوەی زانستی نویسیاگە، داوای رەزامەنی لە وەخشین کوردەیل فەیلی لە رێژە کەێد ئەرا پەسەنکردنیان لە زانکۆ و کۆلیژەیل تایبەت و حکومەتی وە جیاوازی (یەک یا دوو پلە) لە رێژەگە.

پەرلەمانتارەگە وت دەسپیچگ ئەو داوایە لەو ستەم و شکەنجە بویە ک کورد فەیلی کەفتە وەری لە سەردەم رژیم لەناوبریاگ ک وە تاوان جینۆساید وە گشت پەیمانەیل دانریەێد، وەگورەی بڕیار دادگای نەهیشتن تاوان لە رووژ ٢٩/١١/٢٠٢١ ، و وەگورەی بڕیار ئەنجومەن نوینەرەیل و دووپاتکردن ئەنجومەن سەرۆکایەتی لە بڕیار شمارە ٢٦ ئەرا ساڵ ٢٠٠٨.

مەردان دیاری کرد ک یە کەمترین چشتە بتوەنیمن ئەرا ئەو چینە پیشکەش بکەیمن ک زیان و دوید خوەی لە ستەم و جینۆساید و رخبردن و بارکردن و کوشتن و بڕین و دەسناین وەبان ماڵ و دارایی ومافەیل تاڵانکریاگی دی،  هەکاتی ئەو چینەیلتر و شەهید و زیندانیەیل.

وەزیرەگە لە جواو بەڵگەنامەگە ک لە ١١/١٠/٢٠٢٢ کلکریایە نویسان : نووڕین وە داواگە وەگورەی رینما و ریکارەیل.