پەیامنێر ئاژانس شەفەق نیوز وت، کۆبوینەوەگەی سلێمانی یەکەمین کۆبوینەوەی سیاسی ئاست بەرزە لە عراق و ناوچەگە ئمڕوو و سوو رێکخرێد وە بەشداری دەیان کسایەتی سیاسی و ئەکادێمی لە هەرێم کوردستان و عراق و ناوچەگە و جەهان.

وتیش؛ لە کۆبوینەوەگە گفتوگو ە دۆسیەیل و چارەسەرە گرنگەیل کردن و هەمیش لێژنەیگ ئەرا گفتوگوکردن بارودۆخ سیاسی و ئابووری و ژینگەیی پێکهاوریاس کە وەلایەن شمارەیگ لە وەرپرسە گەپیل هەرێم کوردسستان و عراق و بەشداریکردن شمارەیگ لە پسپۆرەیل و ئەکادیمەیل ناودەوڵەتی پێشکەش کرێد.

شەوەکی ئمڕوو دەسکریا وە یەکەم رووژ دیدارگە و لە شەو کۆتایی تێد و ئەرا ماوەی دوو رووژ وەردەوامە.

یەکەمین دیدار سلێمانی لە ساڵ 2013 کریا لە زانکۆی ئەمریکی سلێمانی وە ناونیشان (سیاسەتی خوەرهەڵات ناوڕاس) و لە ساڵ  2014 دویەم و  لە ساڵ 2015سێیەم و  گردەوبوین چوارەم  لە2017 پەنجەم لە  2019 شەشەم رێکخریا و لەساڵ 2023 هەفتەم .