شەفەق نیوز/ لە شار هەولێر پایتەخت هەرێم کوردستان، ئمڕوو جومعە، لە چوارچمگ ڤیستواڵ وەهارە ماراسۆنیگ ئەنجامدریا و بەشداریکردن سەدان کەس لە کەسایەتیەل جویراوجویر و کەسایەتیەیل حکومی.
رێکخەر ماراسۆنەگە عەبدولستار عسمەت وە ئاژانس شەفەق نیوز وت" ئی ڤیستواڵە لە چوارچمگ چالاکیەیل ڤیستواڵ وەهارە، ک گشت تەمەنەیل گرێدەو وە درویژایی سێ کم دوو کەن وە دەور پارک شاندەر لە شار هەولێر".
محەمەد ساڵح ک یەکیگە لە بەشداربویەیل وە ئاژانسەگەمان وت:" بەشداریکردن ئمڕووم لەی ماراسۆنە لە چالاکیەیل ڤیستواڵ وەهارەس و ئەرا گاڵداین وەرزش کردن و بڵاوکردن هوشیاری وەرزشی ئەرا گشت لایەنەیل کۆمەڵگە".
نەبەز عەبدولحەمید قائیمقام هەولێر ک بەشداربوی لە ماراسۆنەگە وە ئاژانسەگەمان وت، " بەشداریکردن لایەنەیل حکومی گرنگە لە لەی چالاکیە بوودە هووکار گاڵداین هاوڵاتیەیل و هیلێد وە چەویگ نەرێنی بنووڕنە شار هەولێر و ئارامی لەناوی".