رسوومەیل وە ئامادەبوین مەسعود بارزانی سەرۆک پارت دیموکرات کوردستان، و نێچیروان بارزانی سەرۆک هەرێم کوردستان، و مەسرور بارزانی سەرۆک حکومەت هەرێم کوردستان، و عەبدولەتیف رەشید سەرۆک کۆمار عراق، و محمد شیاع سودانی سەرۆک حکومەت فیدڕاڵی وەڕیەو چوود.
هەمیش ناودیارترین سەرکردەی هیزەیل عراقی ئامادەی بوون، لەلیان نووری مالکی سەرۆک هاوپەیمان دەوڵەت یاسا، و هادی عامری سەرۆک هاوپەیمان فەتح، و ئەیاد عەلاوی سەرۆک هاوپەیمان نیشتمانیەتی، و ئوسامە نجێفی.
لە رسوومەیل وازکردن موزەخانەگە، باڵیۆز چەن دەوڵەتیگ ئامادە بوود، لەلیان ئەلینا رومانوسکی خانمە باڵیۆز ئەمریکا، وەگەرد باڵیۆز فەرەنسا و بەریتانیا و شاندەیل دیبلۆماسی بیگانە لە عراق.
مەسعود بارزانی ئەوەسا وتاریگ لە رسوومەیل وازکردن موزەخانەگە پیشکەش کەێد، وەگەرد وتار سەرکردەیل سیاسی عراقی، لەناو ئامادەبوون و بەشداریکردن بڕیگ لە نویسەر و رووژنامەوانەیل دێرین و ئەکادیمی لە ئەوروپا و ئەمریکا.