شەفەق نیوز/ هەولێر، ئمڕوو دووشەممە، ئاهەنگ ماتەمینی وە ساڵیاد کووچکردن سەرۆک جەلال تاڵەبانی گردە خوەی.

هەرلە بەرهەم ساڵح سەرۆک کۆمار، موستەفا کازمی سەرۆک وەزیرەیل، نێچیروان بارزانی سەرۆک هەرێم کوردستان، مەسرور بارزانی سەرۆک حکومەت هەرێم کوردستان، وەگەرد وەرپرسەیلیگ حکومەتی و حزبی ئامادەی ئاهەنگەگە بوین.

لە ٣ی تەشرین یەکەم ٢٠١٧، جەلال تاڵەبانی سەرۆک کۆمار وەرین و یەکەمین سەرۆک کورد لە عراق، لەناو خەسەخانەیگ لە پەرلین پایتەخت ئەڵمانیا، دویای ململانێ درویژیگ وەرد بیماری، لە تمەن ٨٤ ساڵی، دویاکووچی کرد.

ئامادەبوین سیاسی تاڵەبانی تەنیا لە هەرێم کوردستان نەوی، وەلێ بازیگەر گرنگیگ بوی لە مەیدان سیاسی عراق، وەتایبەت دویای رمانن سەدام حسێن دویای داگیرکردن عراق لەلایەن ئەمریکا لە ساڵ ٢٠٠٣.