شەفەق نیوز/ قایمقام قەزای ناوەند هەولێر پایتەخت هەرێم کوردستان، ئمڕوو چوارشەممە، پەیمان وە دابینکردن ئاو خواردن ئەرا گەڕەک باداوە دا وەڕی تانکەرەیل شارەوانی و کەنین بیر ئاویگ لە ماوەی ٤٨ ساعەت، دویای بڕین ئاو خواردن لە ناوچەگە لە ماوەی رووژەیل گوزەیشتە.

نەبەز عەولحەمید قایمقام قەزای هەولێر سەردان گەڕەکەگە کرد و کۆنگرەیگ رۆژنامەوانی لەناوی بەساد و وت: لە وەخت هشکەوبوی ئاو لەناو بیر شمارە هەفتە لە گەڕەک باداوە و دویای گشت تەقەلایلە رەسیمنە ئەنجام ئەوە ک ئی بیرە وە تەواوی ئاوی هشکەو بوی و دی سوودیگ ئەرا دابینکردن ئاو لەلی نییە، ئەراوە ئەوەسا لە ماوەی ٤٨ ساعەت بیریگ تر لەناوچەگە کەنیەێد.

عەبدولحەمید دیاری کرد ک لە ماوەی ٤٨ ساعەت ئایندە ئەوەسا پەنا وە تانکرەیل شارەوانی و خۆبەخشەیلە بریەێد تا ئاو بڕەسنینمنە خەڵک ئەو گەڕەکە.