ئەو کۆنگرە کە ماوەی دوو رووز کیشێد، لە زانکۆی کوردستان هەولێر وەڕیەو چوود، باس کاریگەرییەیل ئاڵشتبوین کەشوهەوا و میکانیزم قایمکردن نواگیریکردن ئی کاریگەرییەیلە وە هەماهەنگی وەرد خاوەن بڕیارەیل لە عراق کرد.
ڕێبوار عەبدولڵا ئامادەیی کۆنگرەگە ئەرا ئاژانس شەفەق نیوز وت: گرنگی ئی کۆنگرە کەفێدە ئەوە کە توەنێد کریەی قایمیگ ناوەین لایەن ئەکادیمیایی وەرد خاوەن بڕیارەیل لە باوەتەیل ژینگە و ئەو کاریگەرییەیلە کە لەبان کەشوهەوای عراق هەس دروس بکەێد.
لەلای خوەییش، دکتۆر محمد قوڕەیشی ئەرا ئاژانس شەفەق نیوز وت: ئی چالاکیەیلە چەن روییگ دیرن، کە باس باوەتەگە وەرد خاوەن بڕیارەیل عراق کردە لە رخبەریگ هەڵوێستەگە وەرد روییگ ترەک کە ئاگادارکردن هاوڵاتیە وە کەناڵەیل پەیوەندی وە رخ ئی قەیران و رۆڵ هاوڵاتیەیل لەی باوەتە وەگەرد سڵاکاری لەباوەت سیاسەتەیل گونجیاگ ئەرا سەرکەفتن وەبان ئی قەیرانە.
لەلای خوەییش، عەبدولرەحمان دەرویش ئەرا ئاژانس شەفەق نیوز وت: ئاڵشتبوین کەشوهەوا وەبان جەهان وەگشتی و عراق و تایبەت، و کاریگەرییەیلی وە شیوەیگ ڕاستەخۆ وەبان ژیان رووژانەی کەسەیل زاڵەو بویە، و ئی کارە بانیانیگ لە نابڕوایی دروس کەێد، ئەراوە گرنگە ئەرا پسپۆڕەیل بتووڕتە ئی رەوشە و سیاسەت و میکانیزمیگ گونجیاگ ئەرای پەیا بکەن.
دەرویش وتیش: گرنگیدان وەلایەن خاوەن بڕیارەیل وەی باوەتە و گرنگە زیاتر گرنگی وەی باوەتە بیەن.
ئاڵشتبوین کەشوهەوا ناچار زیاتر لە ١٠٠ هەزار عراقی لە شوین خوەیان وەماوەی ساڵەیل گوزەشتە بکەفنە ئەم ئاوارەیی، وەگورەی قسەی فازڵ غەراوی سەرۆک ناوەند ستراتێجی ماف مرۆڤ لە عراق.