شەفەق نیوز/ لە پارێزگای هەولێر پایتەخت هەرێم کوردستان، ئمڕوو یەکشەممە، ئاهەنگ وازکردن پڕۆژەی بەرهەمکردن کارەبا لە وزەی خوەر ئەرا ٤٠ بیر ئاویاری کشتوکاڵی و پەنج بیر ئاو نووشین ئەرا ئاوایەیل پارێزگای هەولێر وەڕیەو چگ.
ئومێد خۆشناو پارێزەر هەولێر لە وتار ئاهەنگ ئەو پڕۆژە ک خەرەجەگەی رەسێدە دوو مەلیۆن دۆلار، دەسخوەشی لەو پڕۆژە کرد ک ئەوەسا لە بەشیگ لە ئاوایەیل و پڕۆژەیل کشتوکاڵی جیوەجی کریەێد.
لەلای خوەییش، وەرپرس بەرنامەی ئەوزەڵکردن نەتەوە یەکگرتگەیل UNDP پەیمان جیوەجیکردن پڕۆژەیلیگ زیاتر لەیجویرە لە هەرێم کوردستان دا.
سەرۆک دەسەی مقەیەتیکردن و خاسکردن ژینگە لە هەرێم کوردستان عەبدولڕەحمان سەدیق لە وتارەگەی پیشوازی لەیجویر پڕۆژەیگ برادەر ژینگە کرد، ک ئەوەسا دەوریگ لە نواگردن پیسی ژینگە رانێد.
هەرلیوا، ئومێد خۆشناو پارێزەر هەولێر و حسێن حەمە قادر راویژکار وەزارەت کارەبا، و وەرپرسەیلیگ لە بەرنامەی ئەوزەڵکردن نەتەوە یەکگرتگەیل UNDP ، و لە یەکێتی ئەوروپا ئامادەی ئاهەنگەگە بوین.