لە راپۆرتەگەی کەناڵە ئەمریکییەگە کە لەلایەن ئاژانس شەفەق نیوز ئەڵگەردان کریایە، باس ئەوە کردیە کە هەولێر وەی شیوەیە بویەسە یەکەم شار هاولف شار ناشڤیل، لە خوەرهەڵات ناوڕاس.

 لە راپۆرتەگە وتیش: ئەو ئاهەنگە هێماییە لە " تاقیگەی ناوەند شار" لە جادەی چێرش وەڕیەو چگ، هەرلیوا ئومێد خۆشناو پارێزگار هەولێریش ئامادەی بویە و باس کردیە کە ڕێککەفتن هاولفی ناوەین هەردوگ شارەگە ئاڵشتکاری رووشنهویری و پیشەیی و خوەنەواری ناوەینیان بەرز کەێدەو.

 لە راپۆرتەگە وتیش؛ لە مانگ ئایار گوزەشتە بڕیگ لە نوێنەرەیل ناشڤیل سەردان هەولێر کردنە، وتیش؛ ئی هاولفیە وە لەوەرچەوگردن بویین 25 هەزار هاووڵاتیی کورد لە شار ناشڤیل وە تەواوی گونجیایە.

فرێدا بلێر، ئەندام دەسەی کارگێڕی مەکتەو میترۆ لە شار ناشڤیل وت: "ئیمە خوازیمن دڵنیا بویمن لەوە کە پەیوەندییان وە ناوچەگە و کولتور ڕەچەڵەک خوەیانەوە هەس، بەڵام لە گشتی گرنگتر ئەرا ئیمە جویر دانیشتگەیل ناشڤیل، ئەرا ئەوە بفامیمن کە ئەڕا چە کولتوور کوردی ئەوەنە ناوازەس".