شەفەق نیوز/ حکومەت خۆجێی لە پارێزگای هەولێر پاێتەخت هەرێم کوردستان، ئمڕوو چوارشەممە، راگەیان زیادبۊین زەرەدەیل لافاوەیلە ک لە رووژ جمعە ١٧ی کانوون یەکەم رەسینە پارێزگاگە.
ئومێد خۆشناو پارێزگار هەولێر لە کۆنگرەیگ رووژنامەوانی ک ئاژانس شەفەق نیوز ئامادەی بۊی وت: تیمەیل وەرگری شارستانی هیمان مینەی تەرم دوو قوربانی ک٣ن و یەکیگیان کوورپەی دە مانگانە، و ئەوەگە گەنجیگە شوان بۊی و لافاوەگە بردەی و هیمان پەیا نەۊینە.
پارێزگار هەولێر راگەیان ک هەڵسەنگاندن دۊیایین ئەرا زەرەدەیلە نشان دەن ک لە ٢١ ملیار دینار زیاترە ک وەرجەیە باسی کریا، وتیش: ٣٢٧٦ لیست لە هاووڵاتییەیلە وەرگردنە ک زەرەد وەپیان رەسیە، ک هالە سێ چین، یەکەمەگە، پەیوەندی وە زەرەد ناوماڵە دیرێد، و ئەوەکە زەرد ماڵ و ناوماڵە، و سێیەمەگە، زەرەد ماڵ و ناوماڵە و ماشین.
و هەمیش ئاشکرای زەردی ١٠٢٧ ماشین خەڵکەگە کرد وەگەرد رەسین زەرەد وە ٣٧٥ ماڵ، وتیش: شەش ملیار و پەنسەد مەلیۆن دینار لە خەیرخوازەیلە ئەرا، زەرەدمەنەیلە گردەو کریاگە.
پارێزگار هەولێر داوا لە حکومەت فیدراڵی کرد دووارە بنووڕێدە بڕیارەگەی وە تەرخانکردن ٣ ملیار دینار.