لە سەرەتای هەڵمەتەگە شمارەی گەپیگ لە بالیۆز و نوێنەر وڵاتە هاوسایەیل وەرد هەرێم کوردستان و نوێنەر حکومەت هەرێم کوردستان ئامادەبوین، لەناویانیش پارێزگار هەولێر ئومێد خۆشناو و تیمیگ لە وەزارەت شارەوانی حکومەت هەرێم.

هەڵمەتەگە ناوچە سنووریەیل پارێزگای هەولێر وەشیوەی تایوەت و هەرێم کوردستان وە گشتی گردەو.

لە هەولێر، تیمەگە دابەشەوبوین وەبان دوو کوت، یەکیگیان ئەرا کناراوەیل و ئەو شوینەیلە هاوڵاتیەیل خوازن لە رووژەیل جمعە و جەژن لەورا گردەوبوون، ئەوەکەش لەناوڕاس شار و ئەو شوینەیلە زیاتر قەڵەباڵخە.

خۆشناو لە بەیانیگ ئەرا دەزگایەیل راگەیانن وت کە ئاژانس شەفەق نیوزیش لەناویان بوی، "ئێ هەڵمەتە هەڵمەتیگ پاکەوکردنە، باوجی هەوەجە وە هەڵمەتیگ هووشیاری کەێد تا هاوڵاتیەیل وە شیوەی گشتی رێز لە ژینگە بگرن".

پارێزگار هەولێر دووپاتکرد، وەرداوامین لە هەڵمەتەیل سەوزەوکردن وەپای ئەوەگ ئیرنگە هەولێر وە پاکترین و سەونزترین پارێزگا دانرێد لەعراق، و وەردەوام بویمن لە پێناو زیاتر سەونزکردنی لەبان ئاست وڵاتەیل ناوچەگەیش.