شەفەق نیوز/ نەبەز عەبدولحەمید قایمقام شار هەولێر پایتەخت هەرێم کوردستان، ئمڕوو سێشەممە، راگەیان دەسکردن وە هەڵمەتیگ بانزینخانەگان گریدەو ئەرا هەڵسەنگاندن خاسی بانزین وگازەگە.

عەبدولحەمید لە کۆنگرەیگ رۆژنامەوانی ئمڕوو ئاژانس شەفەق ئامادەی بوی وت: داوا لە خاوەن بانزینخانەگان کەیمن هاوکارمان بوون لە تاقیکردنەوەی بانزینەگە چوونکە لە ئیسەو باج یا سزا خەیمنە بان هەر بانزینخانەیگ، وتابڵۆیگ هەڵوەسیمنە قەیەو ک ئەیە کەفتیەسە وەر سزاداین.

وتیش: بیجگە ئەیە؛ ئی ریکارەیلە هەمیش مەیدانەیل گاز فرووشتنەگان گریدەو چوونکە دەسکاریی کەن، و ئەیەیش پەک موەلدەیل خەڵک خەێد وەختا ئی پێکهاتە وەکار تیەرن.

عەبدولحەمید ئاماژەدا؛ ئمڕوو دەسکردیمنە هەڵمەت گەورایگ ئەرا تاقیکردن بانزین و گاز، و ئومیدخوازیمن هاوکاری لەلایەن بانزینخانەگان بوود وەل تیمەیل وشکنین.

بڕیگ لە ماشینەیل هاووڵاتیەگان کەفتنە وەر سزیاین لەوەر خراوی بانزینەگە ک لە بڕیگ لە بانزینخانەگان وەکاری هاوردن. 

وەگورەی ئامارەگان لە ماوەی ئی ساڵە لە هەرێم کوردستان  ١٨٩ رووداو ماشین سزیاین بویە.