عومەر محمد مامووستای کولێژ راگەیانن ئەرا ئاژانس شەفەق نیوز وت: ئی ئاهەنگە بەشیگە لە پیشەی ساڵەنە، ک لەناو پەیمانگاگە سازیمنەی لە گشت بەشەیل راگەیانن، شمارەیلیگ لە رووژنامە و گۆڤار کوردی کوینە و هن ئیسە لە جویراجویر چینەیل نمایش کریەێد.
وتیش: گرنگی لەی ئاهەنگە ئەوەسە ک ئاسوو ئەرا گفتوگۆ و باسکردن میکانزم گەشەپیدان راگەیانن و پابەندی زیاتر وە ئەرزشی واز کەێد، و تەقەلای چارەکردن ئەو گرفتەیلە ک رووژنامەوانی لە هەرێم کوردستان لە باوەت و پەیام راگەیانن لەلی زیان دوینێد،
لەلای خوەییش، گەشاو فەرهاد ک لە ئاهەنگەگە بەشداری کرد وت: رووژنامەوانی کوردی توەنست مقیەتی خوەی بکەێد، هەرچەن لە چەن سەردەمیگ وە کەشوهەوای فرە سەختیگ چاپ کریا، و گرنگە ئاهەنگ وەی رووژە بکریەێد.
پەیامنێر ئاژانس شەفەق نیوز وت: لە ئاهەنگەگە نمایشکردن کتاوەیل مامووستایل بەش راگەیانن نوو وەڕیەو چگ، وەگەرد پیشانگای وینەیل فۆتۆگرافی ک خوەنەوارەیل بەش راگەیانن لەناوی بەشداری کردن، وەگەرد پانێڵیگ ئەرا باسکردن لە رەوش راگەیانن و سەختیەیل لەڕوی رووژنامەنویسەیل لە هەرێم کوردستان.