پولیس لە بەیاننامەیگ رەسیە ئاژانس شەفەق نیوز وت: وەرجە نزیکەی یەک ساعەت تەرم مناڵەگە لە ناحیەی کەسنەزان لە شار هەولێر پەیا کریا.
وتیش: هیزەیل پولیس دەسکردنە لێکۆڵینەوە ئەرا زانستن ناسنامەی مناڵەگە.
هەلیوا، خەڵک ناوچەگە ئەرا ئاژانس شەفەق نیوز وتن: مەزەنە کەن تەرم مناڵەگە هن ئەیوب ئەحمەد بوود ک تەمەنی ١٣ ساڵانە و وەرجە زیاتر لە دە رووژ لەی ناوچە دیاری نەما.
لەلای خوەییش؛ ئومێد خۆشناو پارێزگار هەولێر لە بەیاننامەیگ وت: دویای چەن رووژیگ لە هەڵمەتیگ مینەکردن، تەرم ئەو مناڵە ک تەمەنی ١٣ ساڵانە خەڵک گەڕەک قربوا پەیا کریا، و دیاری کرد ک یە ١٣ رووژە ئەو مناڵە بیسەروشوینە.
دیاری کرد هاووڵاتییگ لە ناحیەی کەسنەزان پەیای تەرم مناڵەگە کرد، و ئاگادار وەرگری شارستانی و پولیس کرد، وتیش: تەرمەگەی ئەرا پزشک دادوەری بریا تا بیریەێدە دەس خاوەنی.
ئەیوب، مناڵیگ ١٣ ساڵانە، خوەنەوارە لە پۆل چوار سەرەتایی بوی لە یەکیگ لە مەکتەوەیل عەرەبی لە شار هەولێر، دویاترین دیاری لە نزیک مەکتەوەگەی بویە، و دی شوینی نەما.
وەگورەی قسەی برادەرەیلی، ئەیوب پەرکەم دیرێد و لە مەکتەو کەفتیەسە وەر تونوتیژی و هەمیشە لەبان ئەوە دەس نیادە گیری.