ئومێد خۆشناو پارێزگار هەولێر وت: %50 لە بازاڕ چەرمگ تەواو کردیمن، و ئمڕوو دوکانەیل ئەرا شایستەدارەیل لەی بازاڕە بەشەو کەیمن،  وەگورەی میکانزمیگ لەبان شمارەیل بەشەوکردن، و هەر شایستەداریگ شمارەیگ ئەرا وەرگردن دوکانەگەی دیرێد.

خۆشناو وتیش: وەفەرمان سەرۆک حکومەت هەرێم کوردستان و وەرپرسەیل ئیداری و فەرمانگەی شارەوانی هەولێر، زەوی ئەرا ئی بازاڕە وە رووبەر 60 هەزار مەتر نزیک جادەی 120 ئامادە کردیمن، و دەسکردیمنە جیوەجیکردن پڕۆژەگە ئەرا دروسکردن زیاتر لە 700 دوکان.

پارێزگار هەولێر وتیش: کار لە پرۆژەگە وەردەوامە، و تەنیا ئەرا خاوەن دوکانەیل بازاڕ سیم لە کویچەی کوردستان لە شار هەولێر تەرخان کریانە، و ئی بازاڕە پابەندە وەگورەی مەرجەیل وەڕیەوبەرایەتی وەرگری شارستانی و هاتوچو و گراجیگ ئەرا ماشین هاناوی.

بازاڕ سیم چەرمگ وە بازاڕ سیم ئاڵشت کریا، چوینکە بازاڕ سیم چوودە ناو شوینەیل هەڕەمەکی و زیایدەرچگ،  و ئی بازاڕ زیایچگە لە ساڵ 1991 دروس کریا، وەلی هەمیشە تویش ئاگر و سزیان هات، دویاترین وەرجە دوو ساڵ بوی، و هەمیش لە کڕەیل کارەبای جەخت بەرز نزیکە، ئەراوە دەسەڵاتەیل بڕیار دان وە بازاڕ نوویگ ئاڵشتی بکەن، ک شایستەی بفرووشەیل بوود، و کوالیتی نوو بازاڕەیل بگرێدە وەرچەو.